A’ Ghàidhlig – cò ris a bhiodh soirbheachadh coltach?
Dè a bu chòir a bhith an dàn don Ghàidhlig ann an Alba? Cò ris a bhiodh soirbheachadh coltach ann an 2030?
Aithisg na co-labhairt
![Aithisg na co-labhairt](https://www.scotlandfutureforum.org/wp-content/uploads/2020/12/2019-12-06_Alba2030_AGhaidhlig_Buaidh_is_Piseach_page1-724x1024.png)
Leugh an aithisg air fad:
Bhidiothan
Coimhead air bhideo an tachartais:
Geàrr-chunntas bho Oifigear Gàidhlig na Pàrlamaid, Alasdair MacCaluim air beachdan nam bùithean-obrach:
Blog
Fiosrachadh mun Luchd-labhairt
Tha an t-Àrd-ollamh Wilson McLeod na ollamh na Gàidhlig aig Oilthigh Dhùn Èideann. Tha e na stiùiriche rannsachaidh ann an Ceiltis is Eòlas na h-Alba, le ùidh rannsachaidh a’ gabhail a-steach cùisean poileasaidh agus planadh cànain ann an Alba; reachdas cànain agus còirichean cànain; agus poilitigs cultarail litreachas na Gàidhlig is na Gaeilge.
Bidh Wilson tric a’ bruidhinn anns na meadhanan air àite na Gàidhlig ann an Alba.
Tha Màiri Anna NicUalraig na neach-ciùil is seinneadair Albannach, na stiùiriche còisir, sgrìobhadair ciùil, neach-aithris rèidio is telebhisean, agus na riochdaire ciùil. Rugadh agus thogadh i ann an Glaschu do theaghlach Gàidhlig.
Buinidh màthair Màiri Anna, an Dr Ceana Chaimbeul MBE, do theaghlach cliùiteach sheinneadairean is pìobairean, Caimbeulaich a’ Ghrìob san Eilean Sgitheanach, agus tha i aithnichte mar neach-gleidhidh traidisean nan Gàidheal agus na neach-oideachaidh.
Tha Tadhg Ó hIfearnáin na Àrd-ollamh Stèidhichte na Gaeilge aig Oilthigh Nàiseanta na h-Èireann ann an Gaillimh. Bha e aig Oilthigh Luimnich bho 1996 gu 2017.
Ro sin, bha Tadhg a’ teagasg ann an Roinn na Breatannais agus na Ceiltis aig Oilthigh Rennes 2 bho 1990, às dèidh greis mar òraidiche is oileanach rannsachaidh ann an Coleraine agus Utrecht. Tha BA aige (1988) agus PhD (1994) ann an Gaeilge bho Oilthigh Ulaidh aig Coleraine.
![](https://www.scotlandfutureforum.org/wp-content/uploads/2019/09/2019-12-06_Sco2030_Gaelic_BannerPicSign-1024x576.jpg)